ZIGGY STARDUST

Ola!!

Pasado o Entroido voltamos para informarvos das novas do noso club.

Coma todos os meses , en xaneiro e febreiro tivemos as nosas reunións para falar, como non de lectura, pero tamén de moitos outros temas.

Nesta ocasión as nosas conversacións xiraron ao redor do libro “Mamá quero ser Ziggy Stardust”

Para preparar a lectura do libro, en xaneiro fixemos unha primeira achega ao tema. Descubrimos, non só quen era Ziggy Stardust, senón tamén que tipo de música se relaciona con este tema e que outras películas ou novelas hai que poidan tratar a mesma problemática.

Así poidemos coñecer a David Bowie, a T-Rex, e tamén a Billy Elliot e…moitos outros personaxes que sería longo de citar a tod@s.

Por aquí vos deixamos imaxes das nosas reunións e coma sempre animarvos a que leades este ou outro libro que queirades.

E por último aquí vos deixamos enlaces interesantes para que vos mergulledes máis no mundo de Ziggy Stardust

David Bowie

O rei do glam

What do you want to do ?

New mailCopy

O Club do 25N

Ola!

Este pasado luns 25 os Leriadour@s sumámnos aos actos que se celebraron no noso centro para lembrar a loita contra a violencia machista. Pola nosa parte tamén quixemos aportar o noso gran de area e decidimos adicar a nosa reunión do mes de novembro a desenvolver actividades que nos concienciasen a tod@s na loita para erradicar as violencias contra as mulleres, unha lacra da sociedade actual coa que temos que acabar.

Comezamos coa lectura de poemas, en galego e castelán, que falaban da loita contra a violencia machista e tamén da necesidade de acabar coa desigualdade de xénero. A continuación as profesoras Marusela e Mónica montero cantaron a dúo “A porta violeta”, versionando a Rozalem. Para acabar @os alumn@s fixeron os seus Pasaportes Leriadouros 2020, nos que ademais dos seus datos, xa engadiron o primeiro dos portos polos que pasarán este ano: debuxaron portas que representaban esa “porta Violeta” da canción e todas esas portas que nos leven a saír de, ou a deixar pechada, calquera tipo de violencia.

Para que poidades ver o que fixemos este día 25 aquí tedes unha cuantas fotos.

O pase de diapositivas require JavaScript.

Ata a próxima!

Club de lectura de Ribeira

Bo día!

Hoxe queremos informarvos non de nós, senón dos nos@s compañeir@s do club de lectura para adultos que vén funcionando en Ribeira desde hai uns anos.

A nova é que o vindeiro martes 3 de decembro vai estar con el@s o escritor Xosé Monteagudo para falarlles da súa obra “TODO CANTO FOMOS“.

descarga monteagudo

A xuntanza farana, coma sempre, no Ateneo Valle Inclán, do Bar Plaza a partires das 20:30.

Desde aquí queremos mandarlles os nosos parabéns por levar a cabo esta iniciativa de fomento da lectura a animalos a seguir moitos anos máis.

Unha aperta para os nos@s amigos do club de lectura de adultos!!!

 

25 novembro contra a violencia machista

Ola!

Xa estamos preparando a nosa xuntanza deste mes. Toca o día 25 así que que mellor que tratar a importancia de loitar contra a violencia de xénero.

A violencia machista é unha lacra da nosa sociedade que entre tod@s temos que loitar por erradicar. Por iso ese día cando nos xuntemos @s que participamos este curso no club Leriadouro imos desenvolver unha serie de actividades para concienciarnos da importancia que ten que todos loitemos contra a violencia contra as mulleres.

Ademais de debatir sobre o tema, imos facer lecturas conxuntas de textos que tratan sobre el e para rematar veremos unha curta “La historia de Pepe y Pepa“.

Tedes tempo aínda para anotarvos ao noso club. Tamén podedes acudir ese día e participar con nós nunha actividade de tanta importancia na concienciación da nosa sociedade.

Agardámosvos!!!

PREPARANDO O SAMAÍN

Ola!!

Este luns tivemos a primeira reunión do Leriadouro 2019-2020.

Como vos dixeramos en artigos anteriores falamos do que vai ser o noso primeiro libro para este curso: Denébola a Roxa.

Pero sobre todo comezamos a preparar o Samaín. Despois dun xantar de medo dedicamos a sobremesa a transformarnos en personaxes que daban medo e a contar historias que poñian os pelos de punta!!!

Empezamos por ler entre todos historias terroríficas de Xabier Docampo. Continuamos dicindo que cousas eran as que nos daban máis medo a cada un…E para rematar a coordinadora do club e da biblio, Mercedes Solla, deixounos a tod@s co medo no corpo contándonos unha versión propia dun conto de Rafael Dieste.

Para que vexas o ben que o pasamos, aquí vos deixamos unha cuantas fotos desa xornada…para que vaiades collendo ideas para o Samaín de mañán pola noite!!!!

O pase de diapositivas require JavaScript.

PROXECTO CLUB DE LECTURA

Ola a tod@s!!!

Aquí estamos de novo para darvos a coñecer o proxecto LERIADOURO para este curso 2019/2020. No seguinte documento podedes atopar información sobre as actividades que temos programadas para este curso no noso club de lectura.

club lectura 2019-2020

Aproveitamos para lembrarvos que o vindeiro luns día 28 comezamos coas nosas actividades. Imos ter a primeira xuntanza para falar do libro Denébola a Roxa e contaremos coa presenza do seu autor, Héctor Cajaraville. Interesante non? Pois dádevos présa se que queredes participar porque xa quedan poucos días e poucas prazas. Pasade pola biblio e atoparedes máis información sobre como incorporarse ao club.

É moi sinxelo, así que animádevos.

Vémonos na biblio!!!

 

 

 

XA ESTA AQUÍ O LERIADOURO 2019-2020

Boas!

Benvid@s un ano máis ao noso Club de Lectura LERIADOURO!!

Unha vez posto en marcha este novo curso 2019-2020, imos comezar tamén a andainado noso Club de Lectura.

Así que xa vos anunciamos que o vindeiro luns 28 de outubro teremos a nosa primeira reunión. coma sempre será a partires das 14:30, á hora do xantar. Ademais de explicarlle aos novos membros o funcionamento do club, aproveitaremos tamén para darlles a coñecer o primeiro dos libros que imos ler.

Seguro que vos estades preguntando cal é…Pois nada, xa volo anticipamos. Vai ser “Denébola a Roxa”, escrito por Héctor Cajaraville. Por se non o sabedes o autor é compañeiro noso este ano, así que imos contar con el para que nos fale máis polo miúdo deste libro e de todos aqueles outros dos que el nos queira contar. Xa vedes, unha boa oportunidade para coñecer máis a fondo o traballo dun escritor.

Pásate pola biblio e anótate se queres participar con nós en todas as interesantes actividades que temos pensadas para este ano. Dáte présa antes de que se esgoten as prazas!!!

Lembrade: Vémonos o 28!!!

FESTA RACHADA

festa club

Pechamos o club de lectura cunha comida campestre no patio do instituto. Temos unha tarta para compartir que trae amablemente Iria. Moitas grazas.  Ademais, as organizadoras do club traen bebidas e postres para todos. Unha pena que algúns non asistírades por ter exames de recuperación…

Voltamos ao instituto, e alí agárdanos unha marabillosa sorpresa: Serafín Marcos ofrécenos o seu divertido espéctaculo sobre a vida e a obra de Antonio Fraguas, o premio das Letras Galegas:

Grazas Serafín polos superdivertidos momentos que nos fixeches pasar:

serafin

Aquí vai un anaco da actuación.

https://drive.google.com/file/d/1BmfyvqB6LJqYppLlKqb04xPRbPDIGGuz/view?usp=sharing

NOVELA ILUSTRADA E CÓMIC

Xa vemos que vos gustou moito o traballo co libro A Mansión dos Pampín. Cumprimos os vosos desexos e voltamos cunha nova actividade sobre este xénero que combina varios tipos de linguaxes diferentes.

Esta vez cada rapaza e rapaz elexiu unha novela ilustrada ou cómic. Mercamos algunhas novidades. Aquí as podedes ver:

Cada leriadoura/o le individualmente o libro seleccionado, resume o seu contido e traballa algún dos aspectos explicados. Se pinchades aquí, poderedes ver os puntos traballados.

Uf! Que traballadores e traballadoras tan eficaces!

Nube de palabras cos términos traballados:

GLOBO3